好多朋友收藏波衫都會首選揀全新，而全新最重要當然係個「吊牌」。

⭐️ 對於以前D波衫，其實個paper tag係十分之靚，好多都係色彩繽紛，有D甚至會有埋球會簡介/球員圖片。

加上舊款衫以前產量少，到今時今日能夠保持全新的確所剩無己。所以全新有tag同無tag，價錢可以爭好遠。

以曼聯90’s umbro / 80’s Adidas球衣為例，部分款式如果係全新有tag，比二手貴四至五倍不等。

⭐️ 而對於近代既波衫，由於產量多，所以全新/二手既價值已經唔會爭太遠。

⭐️⭐️⭐️ 但大家必須留意下以下這一點：

– 因為近代波衫質料比較滑身，輕同薄，特別係球員版。袖口/領口既吊牌好多都起角或者好尖，其實係「極容易」勾到件衫/整花印字。

– 小弟自己會盡量將大部份吊牌入落一D細透明膠袋保存，一黎避免整到個紙牌，二黎避免勾到件衫。好多朋友收藏波衫都會首選揀全新，而全新最重要當然係個吊牌。

近代球衣的紙牌角位比較尖，容易勾到衫身而出現勾線/毛粒等情況。可考慮入透明膠袋保存及分隔。

古董球衣的吊牌有一定價值，可考慮入透明袋加以保存。

透明膠袋可於一般雜貨店/十二蚊店購買，成本不高。

🙏🙏少少個人分享，僅供參考，最重要大家按自己需要搵到適合既球衣保養方法🙏🙏